काठमाडौँ । सामसङ नेपालले शार्क ट्याङ्क नेपालका शार्कहरूलाई आफ्नो नवीनतम फोल्डेबल स्मार्टफोन ग्यालेक्सी जेड फोल्ड ७ प्रदान गरेको छ ।

यो कार्यक्रमले सामसङ नेपाल, शार्क ट्याङ्क नेपाल र हिमालय टिभी बीचको सहकार्यलाई चिन्हित गरेको कम्पनीले बताएको छ । यस अवसरमा बोल्दै, एमएक्स सामसङ नेपालका निर्देशक प्रणय रत्न स्थापितले सामसङ सधैँ मानिसहरूलाई सीमाभन्दा पर सोच्न र नयाँ सम्भावनाहरू खोज्न सशक्त बनाउने विश्वासमा रहेको बताए । ग्यालेक्सी जेड फोल्ड ७ नवप्रवर्तन र बहुमुखी प्रतिभाको प्रतीक भएको उनको भनाइ छ ।

ग्यालेक्सी जेड फोल्ड ७ ले फराकिलो डिस्प्ले र मल्टिटास्किङ क्षमतामार्फत उत्पादकतालाई नयाँ स्तरमा पुर्‍याउँछ । यस साझेदारीले फरक सोच्ने साहस गर्ने सिर्जनाकर्ता, नवप्रवर्तक, र उद्यमीहरूलाई सशक्त पार्ने सामसङ नेपालको प्रतिबद्धता देखाउने कम्पनीले बताएको छ ।