बझाङ । बझाङमा ट्याक्टर दुर्घटना हुँदा दुई जनाको मृत्यु भएको छ ।

जिल्लाको थलारा गाउँपालिका– २ काडास्थित भित्री सडकखण्डमा सुपप्र ०१–००२ त ५७२४ नम्बरको ट्याक्टर दुर्घटना हुँदा दुई जनाले ज्यान गुमाएका हुन् ।

प्रहरीका अनुसार दुर्घटनामा थलारा– २ कफलकाँडाका स्थानीय कमले खाती र जसे खातीको मृत्यु भएको छ ।

कैलालीका ट्याक्टर चालक खुसीराम चौधरी गम्भीर घाइते भएका छन् । उनलाई उपचारका लागि धनगढी पठाइएको छ ।