काठमाडौं । कृषि विकास बैंकलाई साउथ एसियन फेडरेशन अफ एकाउन्टेन्ट्स (साफा) द्वारा “सर्वश्रेष्ठ वार्षिक प्रतिवेदन पुरस्कार, एकीकृत प्रतिवेदन पुरस्कार, तथा कर्पोरेट सुशासन प्रकटीकरणका लागि सार्क वार्षिकोत्सव पुरस्कार – २०२४” प्रदान गरिएको छ ।

“सार्वजनिक क्षेत्र” श्रेणीअन्तर्गत प्रदान गरिएका यी पुरस्कारहरू साफा र इन्स्टिच्युट अफ चार्टर्ड एकाउन्टेन्ट्स अफ पाकिस्तान (आइक्याप) द्वारा इस्लामाबाद, पाकिस्तानमा संयुक्त रूपमा आयोजित कार्यक्रममार्फत प्रदान गरिएका हुन् । इस्लामाबादमा बिहीबार आयोजित कार्यक्रममा बैंकका प्रमुख कार्यकारी अधिकृत गोविन्द गुरुङले पुरस्कार ग्रहण गरेका थिए । 

अन्तर्राष्ट्रिय तहमा प्राप्त यस सम्मानले इमानदारी, नैतिक आचरण, सुशासन, पालना , पारदर्शिता र उत्तरदायित्व प्रति निरन्तर प्रतिबद्धतालाई सशक्त रूपमा प्रतिबिम्बित गर्ने बैंकले जनाएको छ । साथै सरोकारवालाहरूलाई विश्वसनीय, गुणस्तरीय तथा पारदर्शी वित्तीय प्रतिवेदन प्रदान गर्न अझ उत्साहित र प्रेरित गरेकाे बैंकले जनाएको छ।