काठमाडौं । जनता समाजवादी पार्टीका अध्यक्ष महन्थ ठाकुर र राजेन्द्र महतोले प्रधानमन्त्री केपी ओलीसँगै राष्ट्रपति विद्यादेवी भण्डारीसँग भेटवार्ता गरेको खुलेको छ । विहिवार राष्ट्रपति भण्डारीले संविधानको धारा ७६(५) बमोजिमको प्रधानमन्त्री नियुक्तिका लागि आज साँझ ५ बजेसम्मको म्याद प्रतिनिधीसभाका सदस्यहरुका लागि आह्रवान गरेसँगै प्रधानमन्त्री ओलीसँगै महन्थ र राजेन्द्र शित्तल निवास पुगेका हुन् ।

बेलुकी ९ बजेपछि प्रधानमन्त्री ओलीसँगै महन्थ र राजेन्द्र राष्ट्रपति भेटन शित्तल निवास पुगेका हुन् । त्यस अगाडी जसपाका यी दुवै नेताले बालुवाटारमा प्रधानमन्त्री केपी ओलीसँग लामै छलफल गरेका थिए ।

प्रधानमन्त्री केपी ओलीले संविधानतः ७६(४) अनुसार प्रधानमन्त्रीमा बैशाख ३१ मा नियुक्त भएको एक महिनाभित्र संसदबाट विश्वासको मत लिनुपर्ने प्रावधान छ । तर ओलीले विहिवार क्याविनेट बैठक राखेर मौजुदा सरकारले विश्वासको मत लिन सक्ने आधार नदेखिएको र वैशाख २७ भन्दा अगाडीको अवस्था अहिले पनि नरहेको भन्दै विश्वासको मत नलिने र नयाँ सरकार संविधानको धारा ७६(५) अनुसार बनाउने प्रक्रिया शुरु गर्न सिफारिस गरेपछि राष्ट्रपतिले पनि कानुनी रुपमा त्यसरी आह्रावान गर्न मिल्ने नमिल्ने हेदैं नहेरी आज ५ बजेसम्म सरकार गठनको लागि आह्रावान गरेकी छिन् ।

घटनाक्रम हेर्दा राष्ट्रपति र प्रधानमन्त्री दुवैका वीचमा भएको छलफलकै आधारमा यो प्रक्रिया अगाडी बढाएको देखिन्छ ।

महन्थ र राजेन्द्रलाई खुसी बनाउन मनित्रपरिषद्को बैठकवाट नेपाल नागरिकता ऐन २०६३ संशोधनसम्बन्धी अध्यादेश स्वीकृत गरी जारी गर्नका लागि राष्टपतिकाहाँ पठाउने निर्णय लिनु, त्यसलगत्तै महन्थ र राजेन्द्रलाइ बालुवाटारमा बोलाएर प्रधानमन्त्रीले लामो छलफल गर्नु र लगत्तै महन्थ र राजेन्द्र लाई बोकेर स्वंम प्रधानमन्त्री राष्ट्रपति निवास पुग्नुलाई अर्थपूर्ण मानिएको छ ।

प्रधानमन्त्री ओलीले आफनो सत्ता टिकाउन र फेरि अन्य विपक्षीहरुलाई संसदमा वहुमत जुटाउन नदिई संविधानको धारा ७६(५) अनुसार पनि आफै प्रधानमन्त्री बन्ने र लगत्तै प्रतिनिधीसभा विघटन गरेर मुलुकलाई मध्यावधीमा लैजाने प्रयोजनार्थ ओलीले अहिले राष्ट्रपतिलाई विवादमा पारेका छन् ।

जसपाको महन्थ र राजेन्द्र पक्ष विपक्षी कांग्रेस, माओवादीसँग मिल्न जादा बहुमत पुगन सक्ने ठानी ओलीले महन्थ र राजेन्द्रलाई खुसी बनाउन मनित्रपरिषद्बाट नागरिकता सम्वनधी अध्यादेश पनि स्वीकृत गरी जारी गर्न राष्ट्रपतिकाहाँ पठाएका हुन् । यो अध्यादेशमा ‘जन्मसिद्ध’ नेपाली नागरिकता लिएका व्यक्तिका सन्तानलाई वंशजका आधारमा नागरिकता दिने गरी स्वीकृत गरिएको छ । त्यस्तै बाबुको पहिचान नभएका सन्तानलाई आमाका नामबाट वंशजका आधारमा नागरिकता दिइने प्रावधान पनि अध्यादेशमा समेटिएको छ ।

यही विषयसमेत समेटिएको नेपाल नागरिकता ऐन २०६३ लाई संशोधन गर्न बनेको विधेयक प्रतिनिधिसभामै विचाराधीन छ । संसद् सञ्चालन हुँदा यो विषय टुंगोमा पुगेको थिएन । एमाले र माओवादी केन्द्रले विधेयकका केही प्रावधानमा असहमति जनाएकै कारण यो विषय प्रतिनिधिसभाबाट पारित भएको थिएन । तर, अहिले ओलीले संसद विघटन गर्ने र मुलुकलाई चुनावमा धकेल्नका लागि आफ्नै नेतृत्वको चुनावी सरकार बनाउन महन्थ र राजेन्द्रलाई फकाउने उदेश्यले यो अध्यादेश क्याविनेटवाट स्वीकृत गरेका हुन् ।

त्यसपछि ओलीले महन्थ र राजेन्द्रलाई बालुवाटार बोलाएर अव चुनावी सरकारमा समेत आउन आग्रह गरेका हुन् ।

यो छलफलमा महन्थ र राजेन्द्रले ओलीलाई ग्रिन सिंग्नल दिएका छन् ।

तर उनीहरुले अध्यादेश जारीको बारेमा राष्ट्रपतिसँग सुनिश्चितता खोजे । त्यसपछि प्रधानमन्त्री ओलीले बेलुकी महन्थ र राजेन्द्रलाई नै बोकेर राष्ट्रपति निवास पुगेको स्रोत बताउँछ ।

राष्ट्रपति र प्रधानमन्त्री सहित महन्थ र राजेन्द्रको छलफल अवको चुनावी सरकार ओलीको नेतृत्वमा बनाउने विषयमा सकारात्मक रुपमा चलेको छ । जसपाका नेता मनिष सुमनले नयाँ सरकार गठनका लागि प्रधानमन्त्री र जसपाका नेता महन्थ ठाकुर र राजेन्द्र महतोबीच छलफल भएको र त्यो छलफल सकारात्मक भएको बताए ।