काठमाडौं। टी–२० विश्वकपको उपाधिका लागि भारत र न्यूजिल्यान्डबीच प्रतिस्पर्धा जारी छ।

अहमदाबादस्थित नरेन्द्र मोदी रंगशालामा जारी खेलमा साविक विजेता समेत रहेको भारतले २५६ रनको लक्ष्य दिएको छ। टस हारेर ब्याटिङ थालेको भारतले २० ओभरमा ५ विकेटको क्षतिमा २५५ रन जोड्यो। भारतले जोडेको यो रन विश्वकप फाइनलको इतिहासमै सर्वाधिक उच्च स्कोर हो।

सन्जु सामसनले ८९ रनको विष्फोटक पारी खेले। ४६ बल खेलेका उनले ५ चौका ८ छक्का प्रहार गरे। यस्तै, अभिषेक शर्माले २१ बलमा ५२ तथा इशान किशनले २५ बलमा ५४ रनको योगदान दिए। शिवम दुबेले अन्तिम ओभरमा विष्फोटक ब्याटिङ गर्दै भारतको स्कोर २५० माथि पुर्याए। उनी ८ बलमा २६ रनमा अविजित रहे।

बलिङतर्फ न्यूजिल्यान्डका जिम्मी निशमले तीन तथा रचिन रवीन्द्र र म्याट हेनरीले एक–एक विकेट लिए।