काठमाडौँ । बबरमहलस्थित नेपाल आर्ट काउन्सिलमा ६५ स्कुलका ५ सय ८५ विद्यार्थीहरुले बनाएका पेन्टिङ तथा हस्तकला प्रदर्शनीमा राखिएका छन् ।

उपत्यकाका ६५ वटा स्कुलका विद्यार्थीले बनाएका कोलाज आर्ट, पेन्टिङ, टोट् ब्याग (नेपाली उत्पादन) पेन्टिङ तथा हस्तकला प्रदर्शनीसँगै विक्रीमा राखिएका छन् ।

विद्यार्थीहरुमा भएको कला र हस्तकला क्षमतालाई अभिवृद्धि गर्न पिडिलाइट् इन्डस्ट्रिज लिमिटेड नेपालले ‘फेबिक्रिल आर्ट ओलम्पियाड एक्जिबिसन २०२६’ को आयोजना गरेको हो । पहिलो चरणमा उपत्यकाका ६५ वटा स्कुलका १० हजार विद्यार्थीहरुबीच प्रतिष्पर्धा भएको थियो । कक्षा ३ देखी ९ सम्म अध्ययनरत तिनै विद्यार्थीहरुबाट छनौट भएका ५ सय ८५ वटा पेन्टिङ तथा हस्तकला प्रर्दशनीमा राखिएको हो ।

‘विद्यार्थीहरुले आफूभित्रको रुची स्वतन्त्र रुपले अभिव्यक्त गरुन् र लुकेको कलालाई प्रस्फुटन गरुन् भन्ने उद्देश्य हो ।’ पिडिलाइट् इन्डस्ट्रिज लिमिटेड नेपालका कला र स्टेशनरी विभागका बिज्नेश डेभल्पमेन्ट एक्ज्यूकेटिभ (व्यापार विकास अधिकारी) सुनिल यादव भन्छन् ‘स्कुलका विद्यार्थीहरुमा कला र हस्तकलाप्रति मोह बढाउनुका साथै सिर्जनात्मक क्षमता अभिवृद्धि गर्न कार्यक्रमको आयोजना गरेका हौं ।’

मंगलबारदेखी सूरु भएको प्रदर्शनी शनिबारसम्म चल्नेछ । आयोजक पिडिलाइट् इन्डस्ट्रिज लिमिटेड नेपालले स्कुलका लागि आवश्यक कला र स्टेशसनरी सामग्रीका साथै फेविकल एमआर, एक्रोन पोस्टर कलर, फेविक्रिल एक्रेलिक कलर जस्ता सामानहरु उत्पादन गर्दै आएको छ ।