अमेरिकाले इरानी नेताहरू डराएर भूमिगत भएको दाबी गरिरहँदा इरानका राष्ट्रपतिलगायत उच्च अधिकारीहरु आज इरानी जनतासँगै सडमा उत्रिएका छन् ।

तेहरानमा आज आयोजति अल-कुद्स दिवसको र्‍यालीमा इरानका राष्ट्रपति मसूद पेजेश्कियान, विदेशमन्त्री अब्बास अराघचीलगायत उच्च अधिकारीहरु सहभागी भए ।

, इरानका सर्वोच्च राष्ट्रिय सुरक्षा परिषद्का सचिव अली लारिजानी, सर्वोच्च अदालतका प्रधान न्यायाधीश घोलाम-होसेन मोहसेनी-एजेईलगायत पनि मार्चमा सहभागी भए ।

पेन्टागनका प्रमुख पिट हेगसेथले इरानी नेताहरू डराएर भूमिगत भएको दाबी गररिहँदा इरानी शिर्ष नेताहरु सार्वजनिक रुपमा इरानी जनतासँग सहभागी भएका हुन् ।

इरानी उच्च अधिकारीहरु मार्चमा सहभागी भइरहँदा आसपासको क्षेत्रमा बम विष्फाेटका घटना भएका थिए । विस्फोटमा एक व्यक्तिको मृत्यु भएको थियो।

इरानका विदेशमन्त्री अब्बास अराघचीले तेहरानमा अल-कुद्स दिवसको र्‍यालीमा इरानीहरूको प्रदर्शनको तस्बिर र भिडियो सामाजिक सञ्जालमा साझा गरेका छन् । भिडियोमा र्‍याली चलिरहँदा नजिकै बम बिष्फोटबाट धुँवा उडिरहेको देख्न सकिन्छ ।

उनले लेखेका छन्, अन्तर्राष्ट्रिय कुद्स दिवस मनाउन इरानका बलियो र लचिलो जनतासँगसँगै जान पाउँदा गर्व र सम्मानित छु। इरानीहरू सधैं दृढ रहनेछन् र कायर आक्रमणहरूसामु कहिल्यै डराउने छैनन्।

अल-कुद्स दिवस प्यालेस्टाइनको लागि समर्थन व्यक्त गर्ने र प्यालेस्टिनी क्षेत्रहरूमा इजरायली कब्जाको विरोध गर्ने वार्षिक, अन्तर्राष्ट्रिय दिन हो। अल-कुद्स यरूशलेमको अरबी नाम हो।