काठमाडौं । इराकको राजधानी बगदादमा रहेको अमेरिकी दूतावासमा आक्रमण भएको छ । इरानले बगदादस्थित अमेरिकी दूतावासमा मिसाइल आक्रमण गरेको हो ।

इरानी मिसाइल दूतावासको भवनमा ठोक्किएर आकाशमा धुँवाको मुस्लो देखिएको अन्तर्राष्ट्रिय समाचार एजेन्सी एपीले जनाएको छ । समाचारमा मिसाइल आक्रमणबाट पुगेको क्षतिको विवरण प्राप्त नभएको उल्लेख छ ।

एपीलेमिसाइल अमेरिकी दूतावास परिसरमा रहेको हेलिप्याड (हेलिकप्टर अवतरण गर्ने स्थान) मा खसेको जनाएको छ ।

अलजजिराले शनिबार बिहान सबेरै इराकको राजधानी बगदादमा रहेको अमेरिकी दूतावासमा आक्रमण भएको खबरपछि धुवाँ उडिरहेको देखिएको जनाएको छ ।