काठमाडाैं । श्रम संंस्कृति पार्टीले समानुपातिक सांसदको टुंगो लगाएको छ।

आइतबार धरानमा बसेको बैठकले एक पुरुष र तीन महिलाको नाम तय गरी निर्वाचन आयोगमा सिफारिस गरेको हो ।

जसअनुसार आदिवासी जनजातिबाट पूर्णप्रसाद लिम्बू, खस आर्यबाट अम्बिकादेवी सङ्ग्रौला, दलितबाट राधिका रम्तेल र मधेसीबाट रुवीकुमारी ठाकुर रहेका छन्।

फागुन २१ गते भएको प्रतिनिधिसभा सदस्य निर्वाचनमा श्रम संस्कृति पार्टीले प्रत्यक्षतर्फ ३ र समानुपातिकतर्फ ४ सिट जितेको थियो।