अष्ट्रेलियामा भएको एसियाली कपमा भाग लिएको इरानी महिला फुटबल टोलीका खेलाडी आज इरान फर्किएका छन् ।

टाेलीका ६ खेलाडी र १ टिमकी कर्मचारीले शरणका लागि निवेदन दिएकामा पछि ५ जनाले निवेदन फिर्ता लिएका थिए । दुइ जना बाहेक सबै खेलाडी इरान फर्किएका हुन् ।

टर्कि-इरान बजारगान सीमामा आज घर फर्किएका खेलाडीहरुलाइ इरानी अधिकारीहरू ⁠ र इरानी जनताले  स्वागत गरेका थिए ।

इरानकाे तस्निम समाचार एजेन्सीले भाेली बिहीबार साँझ तेहरानमा खेलाडीहरुकाे स्वागत समारोह आयोजना गरिने जनाएकाे छ ।

एसियाली कपमा एक खेल अघि आफ्नो राष्ट्रिय गान गाउन अस्वीकार गरेको कारण युद्धकालीन देशद्रोही भनेर लेबल लगाइएपछि शरण खोज्ने इरानी महिला फुटबल टोलीका ७ सदस्यहरूलाई अष्ट्रेलियाले मानवीय भिसा प्रदान गरेको थियाे । तर पछि ५ जनाले भिसा अस्विकार गर्दै इरान फर्किएका हुन् ।