काठमाडौं । नेपाली कांग्रेसका निवर्तमान सभापति शेरबहादुर देउवा समूहले छुट्टै केन्द्रीय कार्यसमिति बैठक बोलाउने भएको छ ।

धुम्बाराहीस्थित एक होटलमा आइतबार बसेको बैठकले केन्द्रीय समिति बैठक बोलाउने निर्णय गरेको हाे । बैठकमा पार्टीको आगामी कार्यनीतिको बारेमा छलफल गरिने बुझिएको छ ।

अघिल्लो केन्द्रीय समितिले कारबाही गरेका दुई नेता गगन थापा र विश्वप्रकाश शर्मालाई भने बैठकमा नबोलाइने बैठकमा सहभागी एक नेताले जानकारी दिए ।

गत पुसमा विशेष महाधिवेशनबाट गगन थापाको नेतृत्वमा कांग्रेसमा नयाँ समिति चयन भएको थियो । उक्त समिति अस्वीकार गरेको देउवा र कोइराला समूहले सर्वोच्च अदालतमा हालेको रिट विचाराधीन छ।

निर्वाचन आयोगले भने थापाको नेतृत्वलाई पार्टीको आधिकारिकता दिइसकेको छ।