प्रधानमन्त्री बालेन्द्र शाह (बालेन) ले आफ्नो सचिवालय प्रारम्भिक टिम बनाएका छन्।

शुक्रबार प्रधानमन्त्रीमा नियुक्त भएपछि पद तथा गोपनीयताको शपथ लिएर पदबहाली गरेका शाहले सल्लाहकार र सचिवालयको टिम पनि बनाएका हुन्।

जसअनुसार शाहले प्रमुख सल्लाहकारमा कुमार बेनलाई नियुक्त गरेका छन्। शाहका निकट साथी रहेका बेन काठमाडौँ महानगरपालिकाको मेयरमा चुनाव लड्ने बेलादेखि नै बेनले बालेनलाई साथ दिँदै आएका छन्। बालेनले निकै विश्वास गर्ने पात्रमध्ये उनी एक जना रहेको निकटस्थहरू बताउँछन्।

उनको राजनीतिक सल्लाहकारमा असिम शाह,प्रधानमन्त्री शाहको मुख्य स्वकीय सचिवमा सुवाश शर्मा, प्रधानमन्त्रीको प्रशासन प्रमुखमा सुदिप ढकाल, सूचना, सञ्चार तथा प्रविधि संयोजकमा विवेक मिश्र र निजी सचिवालयको जिम्मेवारी सहसचिव प्रदीप परियारले पाएका छन्। बाँकी नियुक्तिबारे पनि छलफल चलिरहेकाे छ ।