काठमाडाैं । बलिउड अभिनेता अक्षय कुमार अभिनित फिल्म ‘भूत बंगला’ले बक्स अफिसमा राम्राे प्रदर्शन गरेकाे छ । अप्रिल १७ मा हलहरूमा रिलिज भएकाे फिल्मले १४ दिनमा कुल २०४.४० करोड भारु कमाइ गरेकाे छ ।

‘भूत बंगला’ ले घरेलु बजारसँगै विदेशमा पनि उत्कृष्ट प्रदर्शन गरिरहेको छ। अहिलेसम्म ओभरसिज मार्केटबाट फिल्मले करिब ५२.२५ करोड रुपैयाँ कमाइसकेको छ।

फिल्मले गल्फ देशहरूमा सबैभन्दा राम्रो व्यापार गरिरहेको छ, जहाँ यसले अहिलेसम्म ११.२५ करोड कमाएको छ। अमेरिकामा लगभग ८.१२ करोडकाे संकलन गरेकाे छ।

यस्तै बेलायतमा ४.३७ करोड, अष्ट्रेलियामा २.०८ करोड, नेपालमा १.०४ करोड र अन्य देशहरूमा २.९१ करोड कमाएको छ।

सिनेमाघर प्रदर्शनपछि फिल्मलाई नेटफ्लिक्समा रिलिज गरिने निर्माण टिमले जनाएको छ।