काठमाडौँ । सर्वोच्च अदालले गठन गरेको संवैधानिक इजलासका दुई न्यायाधीश इजलासबाट बाहिरिएका छन् । प्रतिनिधि सभा विघटनविरूद्ध परेका रिटमाथि सुनुवाइ गर्न गठन गरेको इजलासका दुई न्यायाधीशमाथि प्रश्न उठेपछि अरू दुई न्यायाधीश बाहिरिएका छन् ।

नेकपा अलग गर्ने फैसला गरेका न्यायाधीश बमकुमार श्रेष्ठ र उक्त फैसला पुनरावलोकन नहुने निर्णय गरेका तेजबहादुर केसीले निष्पक्ष सुनुवाइ गर्न नसक्ने भन्दै प्रश्न उठाएको थियो ।

तर, दुबै न्यायाधीशले उक्त मुद्दा र प्रतिनिधि सभा विघटनविरूद्धको मुद्दाको सार्थक सरोकार नभएको भन्दै इजलासबाट नबाहिरिने निर्णय गरेका थिए । त्यसपछि न्यायाधीश दीपककुमार कार्की र आनन्दमोहन भट्टराईले इजलासबाट अलग हुने निर्णय गरेका हुन् ।