काठमाडाैं । नेकपा (माओवादी केन्द्र)का स्थायी समिति सदस्य एवं पूर्वमन्त्री गिरिराजमणि पाेखरेलले महाेत्तरी जिल्लाबाट अवैधरूपमा नदीजन्य उत्पादनकाे दाेहन भइरहेकाे भन्दै नियन्त्रणका लागि सराेकारवालालाई आग्रह गरेका छन् ।

आज प्रेस विज्ञिप्त जारी गर्दै उनले बर्दिबास नगरपालिका वडा नं ६, ७र ९ (साविक किसाननगर र पशुपतिनगर गाविस)र भंगाहा–४ रामनगर स्थित रातु खोलामा क्रसर उद्याेग व्यवसायी र ठेकेदारको मिलेमतोमा अवैधरूपमा नदीजन्य पदार्थकाे दाेहन भइरहेकाे बताएका छन् ।

ढुंगा, गिटी, बालुवा उत्खनन बिक्री तथा व्यवस्थापनसम्बन्धी मापदण्ड, २०७७ काे उल्लंघन गरी केही दिनदेखि अनियमित ढङ्गबाट नदीको उत्खनन कार्य भइरहेको उनले बताएका छन् ।

खोलाको दोहनले नदी किनारका बासिन्दा तथा किसानको उव्जाउ भूमि बन्जर बनाउँदै लगेको र जनताको तटबन्ध समेत धरापमा परेको उल्लेख गर्दै उनले तत्कालै नदी दाेहन राेकी कारवाही अगाडि बढाउन बर्दिवास नगरपालिका, भंगाहा नगरपालिका र सरोकारवालामा अनुराेध गरेका छन् ।