नयाँदिल्ली । भारतले कोरोनाविरुद्धको खोप बालबालिकाहरुमा परीक्षण सुरु गरेको छ । भारत बायोटेकले उत्पादन गरेको कोभ्याक्सिन खोप बालबालिकामा परीक्षण सुरु गरेको हो । यो खोपलाई गत मे ११ मा भारतको औषधि नियन्त्रण विभागले बालबालिकामा क्लिनिकल ट्रायलको अनुमति दिएको थियो ।

विभागले २ देखि १८ वर्ष उमेरका बालबालिकामा यो खोप दोस्रो र तेस्रो क्लिनिकल परीक्षणका लागि अनुमति दिइसकेको छ । भारतमा झण्डै २२ करोडलाई खोप दिइसकिएको छ । दिल्लीका मुख्यमन्त्री अरविन्द केजरीवाललगायत भारतका नेताहरुले बालबालिकालाई पनि जतिसक्दो छिटो कोरोना खोप दिलाउनुपर्ने धारणा राख्दै आएका छन् ।