काठमाडौँ । ज्योति गु्रपले कोभिड–१९ को महामारीमा २ करोड रुपैयाँ सहयोग गरेको छ । गु्रप अन्तर्गतको स्याकार ट्रेडिङ कम्पनी प्रालि र भाजुरत्न ट्रेडिङ कम्पनी प्रालिले २ करोड रुपैयाँ सहयोग गरेका हुन् ।

ज्योति ग्रुपले नेपाल उद्योग वाणिज्य महासंघको राहत कोषमा १० लाख रुपैयाँ रकम प्रदान गरेको जनाएको छ । क्रिएसन नेपाललाई ५ लाख २२ हजार रुपैयाँ बराबरको २५ थान अक्सिजन सिलिन्डर सहयोग गरेको र आछाम अस्पताल र हेल्थी नेशन फाउन्डेसनलाई गरी १५ लाख ४० हजार बराबरका १० थान अक्सिजन कन्सन्ट्रेटर सहयोग उपलब्ध गराएको जानकारी दिएको छ ।

यस्तै गंगालाल अस्पताललाई ५ लाखको पिएपिआर सुट प्रदान ज्योति गु्रपले जर्मन अक्सिजन प्लान्टका लागि नेसनल बिजनेस इनिसिएटिभलाई १५ लाख रुपैयाँको सहयोग गरेको हो ।

टिचिङ अस्पतालमा जडान गरिने फ्रान्सेली अक्सिजन उत्पादन कम्पनी नोभएयरको अक्सिजन प्लान्टलाई फ्रान्सबाट नेपाल ल्याउनका लागि एअर कार्गोसहित कुल १ करोड २१ लाख रुपैयाँ सहयोग उपलब्ध गराएको हो । उक्त अक्सिजन जेनरेटरहरूले ५० बेडलाई पर्याप्त हुने गरी प्रतिमिनेट २५० लिटर अक्सिजन उत्पादन गर्ने क्षमता राख्ने छन् ।