काठमाडौं । आज २०७८ साल ज्येष्ठ महिनाको २५ गते मंगलबार, ज्येष्ठ कृष्णपक्षको त्रयोदशी तिथि । अब लागौं आजको राशिफलतर्फ

मेष
पेशागत जीवन अनुकुल रहने छ । नरम खालको व्यक्तित्व र स्वाभाव हुने छ । भित्रि बुद्धिको चलाखीका कारण पारीवारिक जीवनमा नेतृत्व गर्न पाइने छ । सुख सन्तोष प्राप्त हुने छ । थोरै प्राप्तिमा पनि मन खुशी रहने छ । अध्ययन अध्यापनमा मन जाने छ । बोलीमा भने कडापना देखिने भएकाले सतर्क रहनु होला । चार्टड एकाउण्टेण्ट, आयात निर्यात, लेखा ब्यवसाय, निर्माणका सामग्री, गिटी, वालुवा, सिमेण्ट, फलामका वस्तुहरु जस्ता क्षेत्रमा सक्रियहरुलाई फाइदा मिल्ने छ ।

वृष
आत्माविश्वासी व्यक्तित्व हुने छ । दृढ ब्यक्तित्व हुने छ । तर रिस कडा हुने भएकाले रिस नियन्त्रणमा ध्यान दिनु होला । सुख, सुविधाको उपभोग गर्न मिल्ने छ । मनमा भने खिन्नताले सताउने छ । मनलाई नियन्त्रण गर्न गम्भीर प्रयास गर्नु होला । साझेदारीमा रहेका कामहरुमा भने अबरोध देखा पर्ने छ । पेशागत जीवन औसत अवस्थामा रहने छ । राजनीति, श्रम क्षेत्र, निर्माण जगत, फोहर ब्यवस्थापन, प्रशासन, व्यवस्थापन, कवाडीको सामान आदीको व्यापारमा संलग्नहरुलाई समय अनुकुल रहने छ ।

मिथुन
आत्माविश्वासमा पनि कमि देखिने छ । समय संयमित रहनु पर्ने खालको छ । व्यवस्थापकीय क्षमतामा कमि आउने छ । परिवारमा बिबाद र समस्या आउने भएकाले सतर्कतासहित अघि बढ्नु होला । बोलीको प्रभाव घट्ने छ । आम्दानीमा भने केही सकारात्मकता वातावरण तयार हुने छ । भाग्यको साथ नरहेकाले सकारात्मक परिणाम आउन कठिन हुने छ । जीवनसाथिको साथ लिएर कार्य गरेमा फाइदा मिल्ने छ । पत्रकारिता, शैक्षिक क्षेत्र, अध्यापन, शिक्षण, जस्ता विधामा संलग्नहरुलाई सकारात्मक रहने छ ।

कर्कट
आँट र दृढताको कमि हुने छ । कमजोर मनोबल भएको ब्यक्तित्व हुन पुग्ने छ । संयमित भएर अघि बढ्नु पर्ने समय छ । दुविधात्मक ब्यक्तित्व बन्ने हुँदा अन्योलता बढाउने छ । निर्णय क्षमतामा ह्रास आउन जाँदा कुनै पनि विषयमा निर्णय लिन कठिन हुने छ । प्रतिष्पर्धात्मक क्षमतामा पनि गिरावट आउने छ । पेशाप्रति समर्पित हुन भने मन लाग्ने छ । भगवान गणेश तथा हनुमानको पूजा गरेमा नकारात्मकताबाट बच्न सकिने छ । सेक्युरिटी क्षेत्र, बाउन्सर, सेना, प्रहरी, रेष्टुरेण्ट, होटल, डान्सबार, आदी क्षेत्रमा कार्यरतहरुलाई समय प्रतिकुल छ ।

सिंह
शारीरिक चोटपटकको समय सक्रिय रहेकाले संयमित रहनु होला । अस्पतालको खर्च गर्नु पर्ने बाध्यात्मक अवस्था आउने छ । समय संयमित भएर हिड्नु पर्ने खालको छ । भाग्यहिनताको अवस्था रहेकाले सुख सन्तोष हुने छैन् । घर घडेरी, फ्ल्याट बेच्नु पर्ने बाध्यात्मक अवस्था आउन सक्ने वा घर घडेरीका विषयमा घाटा ब्योहर्नु पर्ने समय रहेकाले यस विषयमा धैर्यतासाथ अघि बढ्नु पर्ने देखिन्छ । साझेदारीमा गरिएका काममा बिबाद बढ्ने छ । ब्यापारमा र उच्च व्यवस्थापन क्षेत्रमा सक्रियहरुलाई भने धेरै नकारात्मक अवस्था आउने छैन् ।

कन्या
मनमा देखा पर्ने अशान्ति तथा उदासिनतालाई नियन्त्रण गर्न ध्यान दिनु होला । आम्दानीमा भारी गिरावट आउने छ । मनोबलको कमि हुनाले लक्ष्यमा बिचलन आउने छ । मनमा दुविधाले सताउने छ ।साझेदारीका कामहरुमा अबरोधहरु देखा पर्ने छन् । दाम्पत्य जीवनमा पनि समस्या आउने भएकाले संयमित रहनु होला । भाग्यको साथ रहेकाले स्टेशनरी, व्यवस्थापन, वाणिज्य क्षेत्र जस्ता पेशामा आवद्धहरुलाई समय अनुकुल तर्फ ढल्कने छ ।

तुला
परिवारमा किचलो देखा पर्ने छ । आँखा, दाँत तथा अनुहारजन्य समस्या देखा पर्ने छ । जीवनसाथिको साथ सहित काम गरेमा त्यो निकै प्रतिफल प्राप्त हुने छ । पितासँग दृष्टिकोण नमिल्दा मनमुटाव देखा पर्ने छ । साझेदारीमा गरिएका काममा प्रगति हुन जाने भएकाले फाइदा मिल्ने छ । त्यसैगरी आफ्नो कार्यालयका हाकिमहरुसँग पनि बिबाद बढ्ने भएकाले यसबारेमा उच्च संयमताको आवश्यकता देखिन्छ । श्रम आपूर्ति, फलामजन्य कारोवार, मलको कारोवार, विषादीको कारोवार, पेट्रोलिय पदार्थको कारोवार आदीमा संलग्नहरुलाई समय अनुकुल रहने छ ।

वृश्चिक
मनमा नकारात्मक भावनाले सताउने छ । भाग्यहिनताले गर्दा शारीरिक समस्या देखा पर्ने छ । उच्च रक्तचाप, रक्त अल्पता, हृयदघाट आदी जस्ता विषयमा सतर्क रहनु होला । मनमा दुविधात्मक विचारले सताउने छ । एक पछि अर्काे समानान्तर विचार आउने भएकाले निर्णय क्षमतामा गिरावट आउने छ । शारीरिक अभ्यास र योगाभ्यासमा अनुशासित तरीकाले ध्यान दिनु होला । पेशागत जीवनमा समस्या देखा पर्न जाने देखिएकाले संयमित हुनु पर्ने समय छ ।सुरक्षा निकाय, जलविद्युत, होटल, रेष्टुरेण्ट, डान्सबार, बाउन्सर, खेलाडि, बडिगार्ड जस्ता पेशामा आवद्धहरुलाई समय प्रतिकुल रहेको छ ।

धनु
अध्ययन अध्यापनमा पटक्कै मन जाने छैन् । भित्रि बुद्धिको सक्रियतामा शिथिलता आउने छ । लद्युताभाषले गर्दा आफु निरिह भएको महशुस हुनेछ । तर आन्तरिक रुपमा भने प्रतिष्पर्धात्मक विचारले दृढता पाउने छ । शारीरिक कमजोरी अध्याधिक बढ्न जाने र रगतजन्य समस्या, उच्च रक्तचाप, हृयदसम्बन्धी समस्याको चुनौति रहेकाले शारीरिक अभ्यास र योगाभ्यासमा ध्यान दिनु होला । सन्तानबाट सुखको अभाव हुने छ भने सन्तानका क्रियाकलापले अपजस आउने छ । बोलीमा अस्वाभाविक कडापना आउने भएकाले संयमित रहनु होला ।स्टेशनरी, पत्रकारिता, वाणिज्य, ब्यापार, व्यवस्थापन, जस्ता क्षेत्रमा सक्रियहरुलाई समय प्रतिकुल रहने छ ।

मकर
व्यक्तित्व दृढ खालको बन्ने छ । तर अनावश्यक क्षेत्र र विषयमा पनि कडा प्रकारको व्यवहार देखा पर्ने भएकाले यस विषयमा विचार पुर्‍याउनु होला । रिस कडा खालको हुने भएकाले यसबारेमा ध्यान दिनु होला । जीवनसाथिको साथ लिएर काम गरेमा कार्य सफलता मिल्ने छ । पेशागत जीवनमा पनि समस्या देखा पर्ने छ । भान्साको सामानको कारोवार, घरायशी सामानको कारोवार, सजावटका सामानको कारोवार, ब्युटिसियन, सौन्दर्य प्रशाधन, गर्नेहरुलाई समय प्रतिकुल रहने छ ।

कुम्भ
वौद्धिक क्षमतामा बृद्धि हुने छ । ज्ञान विज्ञानका क्षेत्रमा तिब्रता आउने छ । निर्धारित यात्रामा समस्या आउने छ । मेहनत र पराक्रमी स्वाभावमा कमि आउने छ । बौद्धिक क्षेत्र, प्राज्ञिक क्षेत्र, लेखन, परामर्श, धार्मिक क्षेत्र आदीमा संलग्नहरुलाई समय अनुकुल बन्दै जाने छ । मनमा सुखको शान्तिको आभाष हुने छ । सन्तानले गरेका कामबाट सुख पाइने छ । अध्ययन अध्यापनमा पर्याप्त मन जाने छ । पेशागत जीवनमा भने संयमित भएर कदम चाल्नु पर्ने समय छ । प्रतिष्पर्धात्मक स्वाभावमा पनि कमि आउने भएकाले प्रतिष्पर्धीले हेप्न पुग्ने छन् ।

मीन
परिवारको तपाईप्रति भरोसा बढ्ने छ । बाणिमा मिठासपना आउने भएकाले अरुको मन जित्न सकिने छ । अध्ययन अध्यापनमा पटक्कै मन लाग्ने छैन् । विद्यार्थी जीवनमा रहेकाहरुले पढाईमा प्रगति गर्न सक्ने छैनन् । पेशागत जीवनमा पनि उल्झनहरु देखा पर्ने भएकाले विचार पुर्‍याउनु होला । समग्रमा ब्यापारमा संलग्नहरुलाई यो समय प्रतिकुल रहेको छ । अध्यापन, शिक्षण, बौद्धिक क्षेत्र, शिक्षा क्षेत्र, स्टेशनरी, धार्मिक क्षेत्र जस्ता क्षेत्रमा संलग्नहरुलाई समय प्रतिकुल रहेको छ ।