काठमाडौं । सरकारी चिकित्सक संघ नेपाल (गोदान) ले सरकारले जारी गरेको ‘एक चिकित्सक–एक स्वास्थ्य संस्था’को कार्यविधिमा आपत्ति जनाएको छ।
मंगलबार एक विज्ञप्ति निकाल्दै गोदानले ‘एक चिकित्सक–एक स्वास्थ्य संस्था’ र चिकित्सकको विशेषज्ञतालाई अपव्याख्या गरेको र सो कुराआफुहरुलाई मान्य नहुने जनाएको हो।‘
ठुलो लगानी , लामो समय र सर्वाधिक कडा कोर्स अध्ययन गरेर विश्वव्यापी मूल्याकंन र निजी बजारको माग भन्दा निकै न्युन तलबमा सरकारी सेवामा काम चिकित्सक बाध्य छन्,’ विज्ञप्ती भनिएको छ,‘ स्वास्थ्य सेवा र पारिश्रमिक नै लक्षित गरी सोलाई रोक्न र विशेषज्ञ जनशक्तिलाई सरकारी अस्पतालमा काम गर्न निरूत्साहित गर्ने र सोबाट गलत उठाउने नितिगत रूपमा नियोजित चलखेल भएको छ।’

‘एक चिकित्सक–एक स्वास्थ्य संस्था’ लागू गर्ने हो भने सोका लागि गठित तत्कालिन अध्यक्ष र महासचिवले समेत सम्मिलित सरकारी समितिले दिएको सुझाव अनिवार्य हुनुपर्ने गोदानले अडान राखेको छ। बिचाराधिन रहेको विषयलाई टुगों लाग्न नदिई हतारमा स्वास्थ्य मन्त्रालयले कार्यविधि लागू गरेको प्रति गोदानले आपत्ति जनाएको छ।