गोरखा । जिल्लाको धार्चे गाउँपालिका २ रुन्चेतमा रुखबाट खसेर एक बालकको मृत्यु भएको छ । घर नजिकको रुखमा चराको गुँड हेर्न चढेका १० वर्षीय साजन घलेको रुखबाट लडेर मृत्यु भएको जिल्ला प्रहरी कार्यालयका प्रहरी नायब उपरीक्षक प्रकाश दाहालले जानकारी दिए ।

रुखबाट खसेर गम्भीर घाइते भएका घलेको गोरखा अस्पतालमा उपचारका क्रममा गए राति मृत्यु भएको उनले जानकारी दिए । घटनालगत्तै उद्धार गरी स्थानीय गाउँघर क्लिनिकमा उपचारपछि बालकलाई उपचारका लागि अस्पताल ल्याइएको थियो ।

बालकको रुखबाट खसेर करिब १५ फिटमुनि भिरमा पुगेको अवस्थामा उद्धार गरिएको स्थानीयबासीको भनाई उद्धृत गर्दै प्रहरीले जनाएको छ ।