काठमाडौं । काठमाडौं उपत्यकामा आउँदो असार १ (आज) देखि लागु हुने गरी नयाँ निषेधाज्ञा जारी गरिएको छ । असार ७ गतेसम्मका लागि निषेधाज्ञा जारी रहने छ । आइतबार बसेको तीन जिल्ला (काठमाडौं,भक्तपुर र ललितपुर ) का प्रमुख जिल्ला अधिकारीको बैठक निषेधाज्ञा केही खुकुलो बनाउने निर्णय गरेको थियो ।

आजदेखि तरकारी, फलफूल, खाद्यान्न पसल, दूध डेरी, मासु, ग्यास पसलहरु, किराना पसल बिहान ११ बजेसम्म खोल्न पाइने व्यवस्था रहेको छ ।
निर्माण सामग्री ढुवानीका लागि सवारी–साधन राति ९ देखि बिहान ५ बजेसम्म सञ्चालन गर्न पाइनेलगायत व्यवस्था गरिएको छ । कोरोना संक्रमण तिब्र फैलिएपछि गत बैशाख १६ गतेदेखि काठमाडौं उपत्यकामा संक्रमण रोक्न निषेधाज्ञा गरिएको थियो ।