काठमाण्डौँ । कोरोना भाइरसको संक्रमणबाट भारतका धावक मिल्खा सिंहको निधन भएको छ । कोरोना संक्रमण भएपछि उनको चण्डीगढ अस्पतालमा उपचारका क्रममा निधन भएको भारतीय सञ्चारमाध्यमले जनाएका छन् ।

उनलाई मे २० मा कोरोनाको संक्रमण भएको थियो । जुन ३ तारिखमा अस्पताल भर्ना भएका उनलाई जुन १३ तारिखसम्म आइसीयूमा राखिएको थियो । ९१ वर्षका सिंहको उपचारकै क्रममा ज्यान गएको हो ।

सिंह स्वतन्त्र भारतका पहिलो धावक थिए । उनले १९६० मा कमनवेल्थ गेम्समा स्वर्ण पदक जितेका थिए । भारतीय प्रधानमन्त्री नरेन्द्र मोदीले उनको निधनप्रति शोक व्यक्त गरेका छन् ।