सिन्धुपाल्चोक । हाम्रो जन्मभूमि संस्थाले सिन्धुपाल्चोककाे हेलम्बुका बाढी पीडित करिब ४० घर परिवारलाई सहयोग गरेको छ ।

संस्थाका उपाध्यक्ष गीता श्रेष्ठको संयोजकत्वमा गएको टोलीले वडा सदस्य जितबहादुर तामाङ, कार्यपालिका सदस्य लक्ष्मी सुनुवार र प्रहरीको रोहवरमा पीडित परिवारलाई एक बाेरा चामल ,२ लिटर तेल, २ केजी दाल २ केजी चिनी , १५ केजी चिउरा, नुन, तेल, साबुनलगायत विभिन्न सामानहरु वितरण गरिएको थियो ।

हाम्रो जन्मभूमि र मानव सेवाको सहयात्री संस्थालाई देश तथा विदेशमा रहेका नेपालीहरुले सहयोग गरेको आर्थिक रकम संकलन गरी करिब २ लाख बराबरको रकमको राहत सामग्री वितरण गरेको थियो ।