काठमाडाैं । नेकपा (एमाले)का वरिष्ठ नेता माधवकुमार नेपालले कर्णालीका सांसदलाई पुनर्वहाली गर्ने सर्वाेच्चकाे आदेशविरूद्ध भ्याकेटमा गएर केपी शर्मा ओलीले एकता नचाहेकाे आराेप लगाएका छन् ।

साेमबार साँझ फेसबुकरमा स्टाटस लेख्दै उनले भ्याकेटमा जाने निर्णय गरेर ओलीले पार्टी एकता भंग गर्ने दिशामा अगाडि बढेकाे आराेप लगाएका हुन् ।

नेता नेपालकाे फेसबुक स्टाटस यस्ताे छः

कर्णाली प्रदेशका संसद्हरुमाथि विधान विपरित गरिएको कारबाहीलाई अदालतले उल्ट्याएपछि फेरि भ्याकेटमा जाने निर्णयबाट पार्टीलाई एकता भंग गर्ने दिशामा लग्न खोजिएको प्रस्ट बुझ्न सकिन्छ ।स्थायी कमिटीका नेतामाथि कथित कारबाही, फेरि उहाँहरुसँगै वार्ता पनि गर्ने दोहोरो चरित्रले विभिन्न शंका उब्जाएकै थियो । जिम्मेवार भएर पार्टी एकता बचाउन अधिकतम लचक भएर प्रस्तुत हुँदा त्यसलाई कमजोरीका रुपमा लिएको जस्तो देखियो। सत्ता जोगाउन संविधानका विरोधी र दक्षिणपंथी तत्वसँग आत्मसमर्पण गर्ने, एकताविरोधी हर्कतलाई जारी राख्ने कुराले एकताबद्ध पार्टी बनाउने प्रयासविरुद्ध को कुन रूपमा लागेको छ – सहजै देख्न सकिन्छ।असल नियतका साथ गरिएका अनौपचारिक वार्ता र सम्वादलाई रणनीतिका रुपमा प्रयोग गर्नेहरु र एकता विरोधी तत्वहरूसंग सावधान हुन सबैको ध्यानाकर्षण गराउॅछु ।