काठमाडौं । नेकपा माओवादी केन्द्रका अध्यक्ष पुष्पकमल दाहाल (प्रचण्ड)ले उस्तै परे केपी ओलीले माधव नेपालको खुट्टामा ढोग्न पनि बेर नलगाउने बताएका छन् । आफनो सरकार टिकाउनका लागि उनी जे सुकै पनि गर्न तयार रहेको भन्दै त्यस्तो टिप्पणी गरेका हुन् ।

विपक्षी कांग्रेस, माओवादी केन्द्र, एमालेको माधव नेपाल समुह, जनता समाजवादीको उपेन्द्र बाबुराम पक्ष र राष्ट्रिय जनमोर्चाले सोमबार नयाँ बानेश्वरस्थित संसद भवनको ल्होत्से हलमा वुद्धिजिवि र नागरिक समाजका अगुवाहरुसँग गरेको अन्र्तक्रिया कार्यक्रमलाई सम्वोधन गदै प्रचण्डले ओलीले उनलाई आवश्यक पर्दा जे पनि गर्ने गरेको प्रवृतिको बारेमा बताएका हुन् ।

म पनि भष्टाचार गर्दिन, अरुलाई पनि गर्न दिन्न भन्ने प्रधानमन्त्रीको भनाईमा ब्याङग्य यदै प्रचण्डले ओली नेतृत्वको सरकार नै करोडौं भष्टाचार गरिरहको आरोप पनि लगाए ।

सम्वैधानिक निकायमा ओलीले आफ्नो गिरोहलाई नियुक्ति गर्ने र गिरोहमार्फत सम्वैधानिक नियुक्तिहरु गर्ने काम गरिरहेको भन्दै त्यसमा आफुहरु सहमत नरहेको बताए । उनले आफुहरु त्यस्तो गिरोह अन्त्य गर्ने काममा लागेको पनि वताए ।

उनले सरकारले खोप ल्याउने र जनताको जीवनरक्षामा पनि सरकारले आर्थिक अनियमितिा गरिरहेको कारण खोप ल्याउन नसकेको बताए । तर उनले अदालतबाट संसद पूर्नस्थापना भएपछि बन्ने आफुहरुको सरकारले सवै जनतालाइृ खोप लगाउने वातावरण निर्माण गर्ने गरी पहिलो काम गर्ने विषयमा विपक्षी गठवन्धन दलभित्रै अहिले नै सहमति भईसकेको प्रचण्डको भनाई थियो ।

अदालतले संसद पूर्नस्थापना हुनेमा आफुहरु विश्वस्त भएको पनि वताए । तर अदालतलाई ओली प्षले अहिले धम्काउने, थर्काउने र खैचडी वजाउने प्रयास गरिरहेको पनि आरोप लगाए ।