काठमाडौं । बरिष्ठ गायक एवं संगीतकार मणिकरत्न स्थापित अजर अमर सम्मानबाट सम्मानित भएका छन् । नेपाल संगीतकार संघले प्रदान गर्ने अजर अमर सम्मानबाट उनलाई आज सम्मानित गरेको हो ।

अस्वस्थ रहेका गायक स्थापितलाई संघका संरक्षक शम्भुजित बाँस्कोटा लगायतको टीमले उनको निवास ललितपुर पुगेर सम्मान प्रदान गरेका हुन् । सम्मानको राशी एकलाख ११ सय ११ रुपैयाँ रहेको छ ।

महामारी साम्य भएपछि कार्यक्रमको आयोजना गरी सम्मान प्रदान गरिने जनाइएको छ ।