काठमाडौं । प्रतिनिधिसभा विघटन विरुद्धको मुद्दामा आजको सुनुवाई सकिएको छ । आजको बहसमा सरकार पक्षका चारजना नायव महान्यायाधिवक्ताले बहस गरेका छन् ।

आज नायव महान्यायाधिवक्ता पदम प्रसाद पाण्डेय, विश्वराज कोइराला, डा। टेक बहादुर घिमिरे र श्याम कुमार भट्टराईले बहस गरेका छन् । सरकार पक्षलाई छुट्याइएको १५ घण्टा मध्ये १ घण्टा सभामुख अग्नि प्रसाद सापकोटाका कानुन व्यवसायीका लागि छुट्याइएको छ ।

संवैधानिक इजलासले सरकार पक्षलाई दिएको समय मध्ये अब ७ घण्टा ५५ मिनेट बाँकी रहेको छ । शेर बहादुर देउवालाई प्रधानमन्त्री बनाउन र प्रतिनिधि सभाको पुनस्थापना गर्न माग गर्दै विपक्षी गठबन्धनको तर्फबाट १ सय ४६ जनाले सर्वोच्च अदालतमा रिट निवेदन दर्ता गराएका थिए ।

निवेदक तर्फको बहस सकेको छ ।