काठमाडौं । चिनियाँ राष्ट्रपति सी जिनपिङले आयोजना गर्ने भर्चुवल बैठकमा प्रधानमन्त्री केपी शर्मा ओली सहभागी हुने भएका छन् । चिनियाँ कम्युनिष्ट पार्टी (सीपीसी)को एक सय वर्षगाँठ पुगेको अवसरमा हुन गइरहेको छलफलमा नेपालबाट प्रधानमन्त्री ओलीको सहभागीता रहने जनाइएको छ ।

चीनका राष्ट«पति सीले दक्षिण एसियाली मुलुकका राष्ट्रप्रमुखहरुसँग मंगलबार अपरान्ह ५ बजे छलफल गर्न लागेका बताइएको छ । प्रधानमन्त्री ओलीको सहभागिताका लागि राष्ट्रपति सीको औपचारिक पत्र आएको बताइएको छ ।

भर्चुवल बैठकमा कोभिड महामारी नियन्त्रणको प्रयास, समन्वय र सहकार्य, चीनियाँ कम्युनिष्ट पार्टीको एक शताब्दी पार भएको अवसरमा सो पार्टीको अनुभव, चीनले गरेको प्रगति र अन्य देशसँगको सहकार्यका विषयमा छलफल हुने जनाइएको छ ।