काठमाडौं । चितवनकी सुजिता भण्डारीको न्याय माग्दै काठमाडौंमा प्रदर्शन गरिएको छ । आज काठमाडौंका युवाहरुले माइतीघरमा प्रर्दशन गरेका हुन् । उनीहरुले ‘निर्मला, भागीरथी, सुजता यो शिलशिला कहिलेसम्म’ भन्दै प्रर्दशन गरेका हुन् ।

९ दिनदेखि हराइरहेकी भण्डारीको आइतबार राप्ती नगरपालिकाको ब्रम्हस्थानी सामुदायिक बनमा शव भेटिएको थियो । ११ गते विहान ६ बजे साथिको घर जाने भनेर हिडेकी उनी सोही दिनदेखि वेपत्ता भएकी थिइन् । भण्डारीको अपहरण भएको भन्दै आफ्न्तले प्रहरीमा उजुरी गरेका थिए ।

अन्तिम पटक भण्डारीले दिदीलाई फोन गरेर आफूलाई तीन जनाको समूहले अपहरण गरेको बताएकी थिइन् । जंगलमा च्याउ टिप्न गएका स्थानीयले उनको शव देखेपछि प्रहरीलाई खबर गरेका थिए ।