काठमाडौँ । जनता समाजवादी पार्टी (जसपा)को विवाद टुंग्याउन निर्वाचन आयोगले इजलास गठन गरेको छ । बुधबार बसेको पदाधिकारीहरूको बैठकले प्रमुख आयुक्त दिनेश थपलियाको नेतृत्वमा पाँच सदस्यीय इजलास गठन गरेको हो ।

सोही इजलासले आगामी साउन ३ गते दुवै पक्षलाई बोलाएर छलफल गर्ने निर्णय गरेको छ । यदि, कानुन व्यवसायी आवश्यक परे आफूहरूसँगै ल्याउनसमेत आयोगले जनाकारी गराएको छ ।

जसपाको उपेन्द्र यादव पक्षले राजनीतिक दलसम्बन्धी ऐन २०७३ को दफा ४४ अनुसार पार्टीको आधिकारिता टुंग्याउन आयोगसँग माग गरेको थियो ।

ऐनअनुसार दुवै पक्षलाई राखेर सहमति जुटाउने प्रयास गरिने छ । यदि, असफल भएपछि सुनुवाई प्रक्रिया थालिने व्यवस्था रहेको छ ।