काठमाडाैं । पूर्वप्रधानमन्त्री तथा नेकपा एमालेका अध्यक्ष केपी शर्मा ओलीलाई भर्चुअल रूपमा अदालत उपस्थित गराइने भएको छ।

शनिबार पक्राउ परेका ओलीलाई आज प्रहरीले म्याद थपका लागि जिल्ला अदालत काठमाडौंमा उपस्थिति गराउने तयारी गरेको थियो । उनलाई स्वास्थ्य समस्याका कारण महाराजगञ्जस्थित त्रिवि शिक्षण अस्पतालमा राखिएको छ।

ओलीलाई अस्पतालबाटै भर्चुअल रूपमा काठमाडौं जिल्ला अदालत उपस्थित गराइने भएको हो। अदालत उपस्थित गराउन खोजे पनि ओलीको उपचारमा संलग्न चिकित्सकहरूले अनुमति नदिएको स्रोतले जनाएको छ।