काठमाडौं । संयुक्त विद्यार्थी संगठनले सर्वोच्च अदालतले गरेको फैसलाको स्वागत गरेको छ । सर्वोच्चको फैसलापछि पाँच विद्यार्थी संगठनले प्रेस विज्ञप्ति जारी गर्दै फैसलाबाट संविधानको सर्वोच्चता र विधिको शासनको पुनस्खथापना भएको बताएका छन् ।

विद्यार्थी संगठनले फैसलाको देशभर स्वागत कार्यक्रम गर्न आह्वान गरेको छ । विज्ञप्तिमा भनिएको छ, ’संसद् पुनस्थापना सँगसँगै प्रधानमन्त्री केपी शर्मा ओलीको निरंकुश, अधिनायकवादी र स्वेच्छाचारी शासनको अन्त्य भएको छ । नेपालको विद्यार्थी आन्दोलन, जनताको आन्दोलन र सर्वोच्च अदालतको फैसलाले जननिर्वाचित सांसद जोगिएको मात्रै छैन कि जनताको सर्भवौम अधिकारको सम्मान भएको छ ।‘

प्रधानमन्त्री केपी शर्मा ओलीले जेठ ८ गते प्रतिनिधि सभाको दोस्रो पटक विघटन गरेका थिए ।