काठमाडौं । नेकपा एमाले स्थायी कमिटीको बैठकमा नेपाल पक्षका नेता डा.भीम रावल सहभागी भएका छन् । बैठक प्रधानमन्त्रीनिवास बालुवाटारमा बसिरहेको छ । रावल पार्टी एकता कायम गर्न गठित माधव नेपाल पक्षका कार्यदल संयोजक हुन् ।

कार्यदलले आइतबार पार्टीको एकता कायम राख्न १० बुँदे सहमति गरेको थियो । उक्त सहमतिलाई अनुमोदन गर्न आजको लागि स्थायी कमिटी बैठक बोलाएको थियो । तर, सर्वोच्च अदालतले प्रतिनिधि सभाको पुनस्थापना गरेपछि एमालेमा तरंग पैदा भएको छ । अध्यक्ष केपी शर्मा ओली पक्षले अदालको फैसलाको विरोध जनाएको छ भने नेपाल पक्षले स्वागत गरेको छ ।

स्थायी कमिटी बैठकमा सर्वोच्च अदालतले गरेको फैसलाको समिक्षा गर्न बताइएको छ । यसअघि अनौपचारिक छलफलमा पनि सर्वोच्च अदालतको फैसला र त्यसपछिका राजनीतिक घटनाक्रमबारे समिक्ष गरिएको बताइएको छ । बैठकमा मंगलबार बोलाइएको केन्द्रीय कमिटी बैठकका बारेमा पनि छलफल हुने जनाइएको छ ।