काठमाडाैं । प्रधानमन्त्री नियुक्तिमा प्रयाेग गरिएकाे भाषाका विषयमा विवाद हुँदा ढिलाइ भएकाे नवनियुक्त प्रधानमन्त्री शेरबहादुर देउवाकाे शपथ साढे २ घन्टा पछि शुरू भएकाे छ ।

राष्ट्रपति कार्यालयले नियुक्तिमा प्रयाेग गरिएकाे भाषा सच्याएपछि देउवाकाे शपथ कार्यक्रम शुरू भएकाे हाे । राष्ट्रपति कार्यालयले देउवा संविधानकाे धारा अनुसार नभइ सर्वाेच्च अदालतकाे फैसलाअनुसार प्रधानमन्त्रीमा नियुक्त भएकाे जनाएकाे थियाे ।

राष्ट्रपतिको विज्ञप्ति नसच्चिएसम्म शपथ नलिने प्रधानमन्त्री देउवाले अडान लिएका थिए । संविधानको धारा ७६ (५) अनुसार प्रधानमन्त्री नियुक्त गरेको भनी उल्लेख गर्नुपर्ने उनले जिकिर गरेका थिए ।

शपथमा ढिलाइ भएपछि राष्ट्रपति कार्यालयमा भेला भएका शीर्ष नेता देउवासँगै छलफलमा जुटेका थिए ।