काठमाडौं । मौसम पूर्वानुमान महाशाखाले आज देखि ३ दिनसम्म वर्षा हुने सम्भावना औल्याएको छ । मौसमविदहरुले यो समयमा ब्यापक वर्षाको सम्भावना देखिएको भन्द्यै सवैलाई विशेष सजगता अपनाउन भनेका छन् । साउन ४ गतेसम्म ब्यापक वर्षा हुने मौसम पूर्वानुमान महाशाखाको भनाई छ ।

मनसुनको न्यून चापीय रेखा नेपाल ९तराई० नजिकै आएर बसेकोले ४ गतेसम्म वर्षाको मात्रा वढ्ने देखिएको हो ।

मौसम पूर्वानुमानअनुसार आज दिउँसो देशमा धेरै स्थानमा हल्कादेखि मध्यमसम्म वर्षाको सम्भावना छ। यस क्रममा सुदूरपश्चिम, लुम्बिनी, गण्डकी, बागमती, प्रदेश २ र १ का थोरै स्थानमा मेघगर्जन र चट्याङसहित भारी वर्षाको सम्भावना छ।

यस्तै राति पनि देशका धेरै स्थानमा हल्कादेखि मध्यमसम्म वर्षा जारी रहने सम्भावना छ। यस क्रममा सुदूरपश्चिम, कर्णाली, लुम्बिनी र प्रदेश १ का थोरै स्थानमा मेघगर्जन र चट्याङसहित भारी वर्षा हुने सम्भावना रहेको महाशाखाले जनाएको छ।