काठमाडौं । प्रधानमन्त्री शेरबहादुर देउवाले (भोलि) सोमबार खोप केन्द्रहरुको स्थलगत निरीक्षण गर्ने भएका छन् । स्वास्थ्य तथा जनसंख्या मन्त्रालयले सोमबारबाट सुरु हुने जोन्सन एण्ड जोन्सजको खोप अभियानमा प्रधानमन्त्री देउवाले निरीक्षण गर्ने भएका हुन् ।

उपत्यकाभित्रका नेपाल अर्थोपेडिक अस्पताल जोरपाटी, त्रिभुवन विश्‍वविद्यालय, शिक्षण अस्पताल महाराजगञ्ज, वीर अस्पताल, महाबौद्ध तथा पाटन स्वास्थ्य विज्ञान प्रतिष्ठान, लगनखेल लगायतका केन्द्रहरुको स्थलगत भ्रमण गर्ने भएका हुन् ।

आजै प्रधानमन्त्री देउवाले स्वास्थ्य मन्त्रालय, मन्त्रालयका सचिव तथा स्वास्थ्य विभागलाई खोप खरीद विभागका कर्मचारीहरुलाई सिंहदरवार बोलाएर खोप केन्द्र चुस्त पार्न निर्देशन समेत दिएका थिए ।