काठमाडौं । नेकपा माओवादी केन्द्रले अध्यक्ष पुष्पकमल दाहाल प्रचण्डको नक्कली हस्ताक्षर गरी पार्टीको लेडर प्याडमा मन्त्रिपरिषद् विस्तार सम्बन्धमा गलत सूचना प्रभाह गरेको भन्दै आपत्ति जनाएको छ ।

पार्टी केन्द्रीय कार्यालय सचिव श्रीराम ढकालद्वारा जारी प्रेस विज्ञप्तिमा केही अपराधिक, अराजक एवमं प्रतिगामी तत्वहरुले हाम्रो पार्टीको लेडर प्याड, पार्टीको छाप र अध्यक्ष प्रचण्डको नककली हस्ताक्षर गरी पार्टी, ५ दलीय गठबन्धन र आम जनसमुदायमा भ्रम सिर्जना गर्ने उद्देश्यले सामाजिक सञ्जालमा गलत सूचना प्रभाव गरेको उल्लेख गरिएको छ ।

विज्ञप्तिमा भनिएको छ, ‘केही समय यता प्रतिगमनकारी, पश्चगामी र पुरातनवादी तत्वहरु अतालिएर क्रान्तिकारी र लोकतान्त्रिक शक्तिहरुलाई बदनाम गर्ने कुत्सिल मनसायले यस्ता हर्कतहरु गर्दै आएका छन् । यस्ता झुठ प्रचारको भ्रममा नपर्न सिंगो पार्टी पंत्ति, लोकतान्त्रिक शक्ति र जनसमुदायलाई हाम्रो पार्टी अनुरोध गर्दछ ।‘

प्रविधिको प्रयोग गरी समाजमा भ्रम फैलाउने तत्वमाथि अनुसनधान गरी कारबाही गर्न माओवादीले माग गरेको छ ।