काठमाडौं । अखिल नेपाल फुटबल संघ (एन्फा) का प्रवक्ताले राजिनामा दिएका छन् ।

एन्फामा प्रवक्ताका रुपमा काम गर्दै आएका किरण राईले पदबाट सोमबार राजीनामा वरिष्ठ उपाध्यक्षको रोहबरमा अध्यक्ष कर्माछिरिङ शेर्पालाई राजीनामा पत्र बुझाएका हुन्।

उनले सामाजिक सञ्जाल फेसबुक मार्फत ‘अखिल नेपाल फुटबल संघको मुख्यालयमा अध्यक्षज्यूलाई वरिष्ठ उपाध्यक्षज्यूको रोहवरमा एन्फाको प्रवक्ताबाट राजीनामा बुझाइयो ।’, उल्लेख गरेका छन् ।

यसैबीच प्रवक्ता राईले आजै अपरान्ह ३ बजे एन्फा कम्प्लेक्समा पत्रकार सम्मेलनको आयोजनासमेत गर्ने भएका छन् ।