काठमाडौँ । प्रधानमन्त्री शेरबहादुर देउवाले कोभिड–१९ युनिफाइड केन्द्रीय अस्पतालका प्रमुख कार्यकारी अधिकारी डा. जागेश्वर गौतमसहित चार जनाको जिम्मेवारी हेरफेर गर्ने राज्यमन्त्रीस्तरीय निर्णय स्थगित गरेका छन् ।

सोमबार राज्यमन्त्री श्रेष्ठले डा. गौतमलाई प्रसूति तथा स्त्रीरोग अस्पताल थापाथली सरुवा गरेका थिए भने युनिफाइड केन्द्रीय अस्पतालका प्रमुख कार्यकारी अधिकारीमा ट्रमा सेन्टरका डा. रुद्र मरासिनीलाई पठाएका थिए । यस्तै स्वास्थ्य समन्वय महाशाखामा डा.विवेकलाल कर्ण र सार्क क्षयरोग केन्द्रमा डा. रिता भण्डारीलाई पठाएका थिए ।

यता,डा.गौतमले सरुवा सम्वन्धी कुनै पनि पत्र आफूले नपाएको हुदाँ पुर्णरुपमा युनिफाइड केन्द्रीय अस्पतालकै काममा बेस्त रहेको बताए ।

‘अहिले अस्पताल मै छु सरुवाको पत्र त पाएको छैन् । त्यसैले म त पूर्ववत रुपमा नै काम गर्नु पर्ने हुन्छ,’ उनले भने ।
स्वास्थ्य मन्त्रालय स्रोतका अनुसार प्रधानमन्त्री कार्यालयबाट नै निर्णय कार्यान्वयन नगर्न निर्देशन आएको छ ।