काठमाडौं । काठमाडौंको चमतीमा एक महिलाको हत्यामा संलग्न एक जनालाई प्रहरीले पक्राउ गरेको छ ।

काठमाडौं महानगरपालिका १६ चमती बस्दै आएकी २८ वर्षीय बबिता राईको हत्याको अभियोगमा मृतक राईकै श्रीमान नुवाकोट तादी गाउँपालिका २ सातबिसे घर भएका ३३ वर्षीय रामेश्वर गोतामेलाई पक्राउ गरिएको हो ।

बुधबार (२० साउन) बिहान करिब १ बजेतिर हत्या भएको जानकारी पाएपछि प्रहरी घटनास्थलमा पुगेको थियो । घाँटी थिचेर हत्या गरेको देखिएको महानगरीय प्रहरी वृत्त बालाजुले जनाएको छ ।

अभियुक्त गौतामेले आफूले हत्या गरेको स्वकार गरिसकेको प्रहरीले जानकारी दिएको छ । आफूलाई दैनिक विभिन्न कुराले टचर दिएकाले हत्या गरेको प्रहरीमा बयान दिएका थिए ।

उनीहरू बिच करिब ५ वर्षअघि विवाह भएको खुलेको छ । बबिता रामेश्वरकी दोस्रो श्रीमती हुन् । उनीहरू बालाजुको एक उद्योगमा काम गर्दै आएको प्रहरीले जनाएको छ ।