काठमाडौं । नेकपा एमालेका वरिष्ठ नेता माधवकुमार नेपालले पार्टी अध्यक्ष केपी शर्मा ओलीले जति गाली गरे पनि आफू पार्टी एकताको पक्षमा रहेको बताएका छन् । शुक्रबार आफू पक्षको केन्द्रीय कमिटी बैठकलाई सम्बोधन गर्दै उनले पार्टी एकतामा जोड दिएका हुन् ।

उनले भने, ‘केपी शर्मा ओलीले मलाई जति नै गाली गरे पनि म अहिले पनि पार्टी एकता होस् भन्ने पक्षमा छु । एकताका लागि मेरो प्रयत्न जारी छ । नेताहरुले केपी ओलीले हामीले अलमल्याउन खोजेको त होइन भन्ने आशंका व्यक्त गरेका छन् । म त्यस्तो नहोला भन्ने ठान्छु र एकतामा जोड दिन चाहन्छु । हामीले जति आलोचना गर्दा पनि संयमित र जिम्मेवार हुन छोड्नु हुन्न । एकताबद्ध भएर प्रस्तुत हुनुपर्छ ।’

नेता नेपालले पार्टी एकताका लागि प्रयत्न गर्नुपर्ने बताए । उनले आलोचना गर्दा संयमित र जिम्मेवार बन्न आफू पक्षका नेताहरुलाई आग्रह गरेका छन् ।