काठमाडौं । कारोबार हुने साताको पहिलो दिन सुन मूल्य प्रतितोला १ हजार ५ सय रुपैयाँले सस्तो भएको छ । गत साताको अन्तिम दिन शुक्रबार ९१ हजार ५ सय रुपैयाँमा कारोबार भएको सुन आइतबार सस्तो भएर प्रतितोला ९० हजार रुपैयाँमा पुगेको सुनचाँदी व्यवसायी महासंघले जनाएको छ ।

आइतबार सुनसँगै चाँदी पनि सस्तो भएको छ । चाँदी भने प्रतितोला २५ रुपैयाँले सस्तो भई १ हजार दुई सय ४० रुपैयाँमा काराबोर भइरहेको छ । शुक्रबार चाँदी १ हजार २ सय ६५ रुपैयाँ कारोबार भएको थियो ।