काठमाडौँ । प्रधानमन्त्री शेरबहादुर देउवा र राष्ट्रिय टिमका पूर्व कप्तान पारस खड्काबीच भेट वार्ता भएको छ । उनीहरूबीच शनिबार भेट वार्ता भएको हो ।

खड्काले गत साउन १९ गते अन्तर्राष्ट्रिय क्रिकेटबाट सन्यास लिएका थिए । बालुवाटारमा भएको भेटमा देउवाले प्रश्न दोहोर्‍याए, ‘क्रिकेट किन छाड्नुभयो ?’

‘दुई दशकमा नेपाली क्रिकेटले हासिल गरेका हरेक ती सफलता, नेपालीले कहिल्यै नभुल्ने ती रोमाञ्चक जित र हामीलाई क्रिकेटमा झन् ठूलो सपना देख्न प्रेरित गरेकामा धन्यवाद,’ प्रधानमन्त्री देउवाले भने, ‘नेपाल र नेपालीको शिर उँचो बनाउन जिन्दगीको दोस्रो इनिङमा पनि सफलता मिलोस्, सरकारको साथ र सहयोग सधैं रहने छ ।’