हेटौंडा । वागमती प्रदेशको चालु आर्थिक वर्ष २०७८/०७९ को नीति, कार्यक्रम र बजेट पास भएपछिको प्रदेशसभा बैठकको पहिलो बैठक आज दिउँसो २ बजेका लागि बोलाइएको छ ।

प्रदेश सभाको आठौं अधिवेशनको २२औं बैठक बोलाइएको प्रदेश सभा सचिवालयले जनाएको छ ।

प्रदेश सभामा केही प्रदेश ऐन संशोधन गर्ने विधेयक र प्रदेश सभा नियमावली संशोधन दर्ता भएको प्रदेशसभा सचिवालयका प्रवक्ता विनोद अमात्यले बताए ।

यसैगरी उच्च शिक्षासम्बन्धी विधेयक र पर्यटनसम्बन्धी विधेयक यसअघि नै दर्ता भएका छन् । प्रदेशको चालु वर्षको नीति, कार्यक्रम तथा बजेट पास गरेसँगै पहिलोपटक प्रदेशसभा बैठक बस्न लागेको हो ।