काठमाडौं । नेकपा एमालेले माधव नेपाल सहित १४ सांसदलाई कारवाही सिफारिस गरेपछि कारवाही रोक्न माग गदै उनीहरु संसद सचिवालय पुगेका छन् ।

उनीहरुले आफुहरुमाथी एमाले अधयक्ष केपी ओली समुहले गरेको कारवाही अवैधानिक रहेको र कुनै कारवाही प्रक्रिया अगाडी नबढाउन माग गदै संसद सचिवालयमा निवेदन दिएका छन् ।

आफुहरुमाथीको अवैधानिक रूपमा कारबाही गरिएको भनि पठाएको पत्रमा कुनै कारबाही नगर्ने व्यवस्था मिलाई पाऊँ भन्दै उनीहरुले लिखित रुपमा संसद सचिवालयमा निवेदन दिएका हुन् ।

एमालेले माधव नेपाल सहित १४ सांसदलाई कारवाही गरिएको भन्दै मंगलवार संसद सचिवालयमा पत्र दर्ता गराएका थिए ।

भदौ १ गते नेकपा एमाले संघीय संसदिय दलको कार्यालयले संघीय संसद सचिवालयलाई लेखेको पत्र अवैधानिक र दुराशयपूर्ण रहेकाले सो पत्रको आधारमा कुनै कारबाही अगाडि नबढाउन, सूचना प्रकाशित नगर्न र निर्वाचन आयोगमा जानकारी नगराउन उनीहरूले अनुरोध गरेका छन्।

हेर्नुहोस पत्र