काठमाडौं । सरकारले भाद्र ७ गते काठमाडौं उपत्यका लगाएत देशभरका नेवार समुदायका लागि सार्वजनिक बिदा दिने भएको छ । गहृ मन्त्रालयले शुक्रबार सूचना प्रकाशित गरी सोमबार गाईजात्रा पर्वको अवसरमा नेपाल भरका नेवार समुदायका लागि बिदा दिने जनाएको छ ।

सूचनामा भनिएको छ, “वि.सं. २०७८ साल भाद्र ७ गते सोमबारका दिन गाईजात्रा पर्वको अवसरमा नेपाल राजपत्रमा काठमाडौं उपत्यकाका लागि तोकिएको सार्वजनिक विदाका अतिरिकत्त मुलुकभर नेवार समुदायका लागि सार्वजनिक बिदा दिने” नेपाल सरकार मन्त्रिपरिषद्बाट २०७८/०५/०३ निर्णय भएको हुँदा सम्बन्धित सबैको जानकारीका लागि यो सूचना प्रकाशित गरिएको छ ।”

यसअघि गाइजात्रा पर्वका दिन काठमाडौं उपत्यकामा मात्र बिदा दिइने गरिएको थियो ।