काठमाडौँ । नेकपा एमालेका अध्यक्ष केपी शर्मा ओलीलाई भेट्न नेता भिम रावलसहितका नेताहरू ओलीको निवास बालकोट पुगेका छन् ।

ओली र नयाँ पार्टी दर्ता गराएको माधव कुमार नेपालबीच कुनै पक्षमा नखुलेको दोस्रो तहका नेताहरूले ओलीलाई भोलिसम्म अल्टिमेटम दिएका थिए । सोही विषयमा छलफल गर्न नेता रावलसहित नेताहरू बालकोट पुगेका हुन् ।

वार्ताका लागि ओली निवास बालकोटमा रावलसहित युवराज ज्ञवाली, सुरेन्द्र पाण्डे, गोकर्ण विष्ट, भीम आचार्य, रघु पन्तलगायतका तेस्रो धारका नेताहरु पुगेका हुन् ।