काठमाडौं । भारतीय जनता पार्टी ९भाजपा०का विदेश विभाग प्रमुख विजय चौथाइवालेले नेकपा माओवादी केन्द्रका अध्‍यक्ष पुष्पकमल दाहाल ‘प्रचण्ड’लाई भेट गरेका छन् । उनीहरुबीच सोमबार अध्‍यक्ष प्रचण्डको निवास खुमल्टारमा भेटघाट भएको हो ।

चौथाइवाले र प्रचण्डबीच नेपाल भारतको सम्बन्धलाई थप विस्तार गर्ने सम्बन्धमा छलफल भएको प्रचण्डको स्वकीय सचिवालयले जानकारी दिएको छ । आइतबार काठमाडौं आएका चौथाइवाले प्रधानमन्त्री शेरबहादुर देउवासँग भेटघाट गरेका थिए ।

यस्तै मंगलबार उनले नेकपा एमालेका अध्यक्ष केपी शर्मा ओली र लोकतान्त्रिक समाजवादीका अध्यक्ष महन्थ ठाकुरसँग भेटवार्ता गरेका थिए ।