काठमाडौँ । नेपाल विद्युत प्राधिकरणका कार्यकारी निर्देशक (सिइओ) कुलमान घिसिङको नियुक्ति बदर गर्न माग गर्दै सर्वोच्च अदालतमा परेको रिटमा मिसिल झिकाउन आदेश दिएको छ ।

प्रधानन्यायाधीश चोलेन्द्र शमशेर जबराको एकल इजलासले उनीविरुद्ध परेको रिटको मिसिल झिकाउन आदेश दिएको हो ।

प्रधानमन्त्री शेर बहादुर देउवा नेतृत्वको सरकार बनेसँगै हितेन्द्रदेव शाक्यलाई उर्जा आयोगमा लगेर घिसिङलाई प्राधिकरणको सिइओमा पुनः नियुक्त गरिएको थियो । आफूलाई प्राधिकरणको सिइओबाट हटाएको भन्दै शाक्य सर्वोच्च गएका थिए ।