काठमाडौं । प्रधानमन्त्री शेरबहादुर देउवाले जनगायक जुठबहादुर खड्गी ‘जेबी टुहुरे’को निधनप्रति शोक व्यक्त गरेका छन् । प्रधानमन्त्री देउवाले टुहुरेको निधनको खबरबाट आफू स्तब्ध भएको बताएका छन् । उनले टुहुरेको निधनप्रति शोक प्रकट गरेका छन् ।

प्रधानमन्त्रीले स्वर्गीय कलाकारको आत्माको चिरशान्तिको कामना गर्दै परिवारजनमा हार्दिक समवेदना व्यक्त गरेका छन् । ‘आमा दिदीबहिनी हो कति बस्छौ दासी भई सुखको सधैँ प्यासी बनेर’ गीतबाट प्रसिद्धिको शिखरमा पुगेका लोकप्रिय कलाकार टुहुरेको उपचारका क्रममा आज निधन भएको छ ।

स्थानीय बयोधा अस्पतालमा उनको निधन भएको हो । ७८ वर्षीय टुहुरे संविधानसभा सदस्य तथा जनसांस्कृतिक महासंघका पूर्वअध्यक्ष हुन् ।